ယနေ့မြန်မာနိုင်ငံတွင် စက်တင်ဘာလက ဆန္ဒပြမှုများတွင် ပါဝင်ခဲ့သောသံဃာများ သည် သံဃာအတုများသာဖြစ်သည်ဟု သာသနာရေးဝန်ကြီးမှ နိုင်ငံတော်သံဃာ့နာယက အဖွဲ့ဝင် ဆရာတော်ကြီးများအား လျှောက်ထားခဲ့ရာမှ - “သံဃာအတု” ဟူသောကိစ္စရ့ပ်တွင် -
(၁) မြန်မာနိုင်ငံတွင် စက်တင်ဘာလဆန္ဒဖော်ထုတ်ပွဲများတွင် ပါဝင်ခဲ့သော သံဃာထုများကို TV များမှလည်းကောင်း ၊ Internet မှလည်းကောင်း ၊ တစ်ကမ္ဘာလုံးတွေ့မြင်ခဲ့ရ ပါသည်။ ထိုမျှလောက်များပြားသော သံဃာများကို “သံဃာအတု”ဟုစွပ်စွဲပါက မြန်မာနိုင်ငံကဲ့သို့ ထေရ၀ါဒဗုဒ္ဒဘာသာနိုင်ငံတော်တွင် သံဃာအတုများထိုမျှလောက် များပြားနေခြင်းကို နိုင်ငံတော်၏ စုံစမ်း ၊ ထောက်လှမ်း ၊ စစ်ဆေးရေးအဖွဲ့ဝင်များအနေဖြင့်သော်လည်းကောင်း၊ သာသနာရေးဝန်ကြီးဌာန အနေဖြင့်သော်လည်းကောင်း၊ နိုင်ငံတော် ၊ တိုင်း ၊ ပြည်နယ် ၊ မြို့နယ် ၊ ရပ်ကွက် များမှသံဃာ့နာယကအဖွဲ့ဝင်များ နှင့် သက်ဆိုင်သူများမှ မသိရှိခဲ့ကြခြင်းမှာ လွန်စွာဆိုးဝါးသဖြင့် သံဃာအတုဟု စွပ်စွဲခြင်းမှာ သာသနာရေးဝန်ကြီးအနေဖြင့် ငရဲကြီးမည့်ကိစ္စသည် နောက်မှထား ၊ ယခု လောလောဆယ် မိမိညံ့ဖျင်းကြောင်း ကိုယ့်ပေါင်ကိုယ်လှန်ထောင်းသည့်နှယ် ဖြစ်ပါ သည် ။
(၂) တရားတော်အရစဉ်းစားလျှင်လည်း ၊ “အတု” ဟုအယောင်ဆောင်သူများသည် ၄င်းတို့ ဖာသာ ငရဲမကြောက် ၊ သံသရာမကြောက်သောကြောင့် အတုအယောင်ဆောင် ကြခြင်းဖြစ်ပေသည် ။ ထိုမျှလောက်များပြားလှသော သံဃာများကို အတုအစစ်သေချာ မခွဲခြား နိုင်ဘဲ (မခွဲခြားတတ်ဘဲ) အတုကငရဲမကြောက်သောကြောင့် တုပရဲခြင်းကို မိုက်ရဲ ၊ ရိုက်ရဲ ၊ သတ်ရဲ ၊ ဖြတ်ရဲသောသူများကပါ မိမိအကျိုး ၊ မိသားစုအကျိုးမပါဘဲ အတူငရဲ လိုက်ယူကြခြင်းမှာ အံ့သြဖွယ်ကောင်းပါသည် ။ (သို့သော် ၄င်းရိုက်ရဲ ၊ သတ်ရဲ သူတို့ကို နအဖ အစိုးရကချီးမြှောက်ပြီး ၊ မိသားစုအကျိုး ၊ မိမိအကျိုးရနေကြ သော်လည်း . . . . နောင်တမလွန်တွင် မိမိသာခံစားရမည်ဖြစ်သည်ကို မမေ့သင့်ပါ ။ အတူတကွစည်းစိမ် ခံစားခဲ့သောမိသားစုဝင်များ တစ်ဦးတစ်ယောက်ကမျှ မိမိကိုယ်စား ငရဲလာခံပေးမည် မဟုတ်သည်ကို သတိချပ်သင့်ပါသည် ။)
(၃) တစ်နည်းစဉ်းစားပြန်လျှင်လည်း သံဃာအတုများပါ ဆန္ဒဖော်ထုတ်ပွဲတွင် အစစ်များ နောက်ကသော်လည်းကောင်း ၊ အတုချည်းအားလုံးသော်လည်းကောင်း ၊ ဖြစ်နေပါ စေဦး၊ အဆိုပါသံဃာအတုများသည် မင်းမဲ့စရိုက်ဆိုးသွမ်း ဖျက်စီး၊ ခိုးဆိုးလုယက်နေကြခြင်းမဟုတ်ပါ ။ ထိုသို့မင်းမဲ့စရိုက် လျှောက်လုပ်နေခြင်း ထက်ဘုရား၏အရေတော်သင်္ဃန်းရုံပြီး ၊ သံဃာတော်အစစ်များနှင့်အတူ မေတ္တာသုတ် ရွတ်ဆိုသည့်နောက်တွင်(မေတ္တာသုတ် မရသည့်တိုင် အရပ် ၁၀ မျက်နှာသို့ မေတ္တာ ပို့ပြီးသွားနေခြင်း) အေးချမ်းစွာလိုက်ပါနေခြင်းကိုပင် ကျေးဇူးတင်သင့်ပါသည် ။
(၄) တိုင်းပြည်အုပ်ချုပ်နေသော သူများသည်ပင် ငါးပါးသီလမှမလုံ ၊ လောဘ - အလိုကြီး ခြင်း၊ ဒေါသ - အမျက်ကြီးခြင်း ၊ မာန - ထောင်လွှားခြင်း ၊ မာယာ - လှည့်ပတ်ခြင်း ၊ သာဌေယျ - ဟန်ဆောင်ခြင်း ၊ မက္ခ - ကျေးဇူးမဲ့ခြင်း ၊ ပဋာသ - ဂုဏ်ပြိုင်ခြင်း ၊ အဂတိ တရား (၄) ပါး - (က) ချစ်သောကြောင့် မတရားလုပ်ခြင်း ၊ (ခ) မုန်းသောကြောင့် မတရားလုပ်ခြင်း ၊ (ဂ) ကြောက်သောကြောင့် မတရားလုပ်ခြင်း ၊ (ဃ) မသိသော ကြောင့် မတရားလုပ်ခြင်း ၊ ဣသာ - သူတပါးအပေါ် မနာလိုခြင်း ၊ မေစ္ဆရိယ - ၀န်တို ခြင်း၊ စသောဂုဏ်ပုဒ်များနှင့် ပြည့်စုံနေလျှင် ၊ စစ်အစိုးရနှင့်ယှဉ်လျှင် သံဃာအတု အယောင်ဆောင်ခြင်းဟူသော သာဌေယျပုဒ်တစ်ခုကျူးလွန်သည် ဆိုစေဦးတော့ မနှိုင်းသာအောင် သေးဖွဲလွန်းနေသေးသည် ။
စန္ဒာ
သံဃာအတုဟုဆိုရာတွင် . . . . .
Subscribe to:
Post Comments (Atom)
သံဃာတော်များ၏ အင်အား
ငွေကြာရံ ဘုန်းကြီးကျောင်းအား မတရား ၀င်ရောက် ဖျက်ဆီးသော ရုပ်သံကြည့်ရန်
1 comments:
good responding
Post a Comment